నవంబరు 4న అమెరికాలో ఎన్నికలు. ఈమధ్య జరిగిన సర్వేలో (California Bay Areaలో) ఆఫీసుకు ఆలశ్యమవుతుందని చాలామంది ఓటు వెయ్యరని చదివాను. If you don't vote, you lose your right to voice your concerns.
ద్విపద//
ఓటేయరా నీవు ఓటేయకున్న
మాటాడగలహక్కు మట్టిలో మిగులు
డ్యూటీగ భావించు ఓటెయ్యడమును
లేటౌను నాకంటు బ్లేములొద్దోయి
తూటాలకన్న పోరాటాలకన్న
మేటిరా శక్తిలో ఓటుఎన్నడును
ఓటేయరా నీవు ఓటేయకుండ
దాటేసినావంటె తంటాలు నీకె
Thursday, October 30, 2008
ద్విపదలో ఓటెయ్యండి
Sunday, October 26, 2008
'తాటి' పద్యాలు
నిన్న దీపావళి టపాకాయలు కొందామని ఒక చైనీస్ కొట్టుకు వెడితే అక్కడ canned తాటిముంజలు కనపడ్డాయి. తెచ్చి వాటిని తింటూంటే పాత రోజులు గుర్తుకు వచ్చాయి.
ఏప్రిల్లో బడి అయిపోయినతరువాత కాలవగట్టమ్మట సైకిలు తొక్కుకుంటూ ఇంటికి వెళుతుంటే అప్పుడప్పుడూ తాటిముంజలమ్మేవాడు దేవుడిలా ఎదురొచ్చేవాడు.
ఉ//
వేసవి కాలమందలసి వేడిభరించుట చాల కష్టమై
మూసిన కళ్ళతో యతని మోము తలంచుచు మ్రొక్కి వేడగా
దాసుడి రక్షకై యతడు తారసమాయెను భూమిపై వడిన్
వాసివి తాటిముంజలను పైకము కమ్మెడివాని రూపునన్
(సైకిలు త్రొక్కుతున్నప్పుడు కూడా ప్రాసకోసం కళ్ళు మూసుకోవలసి వచ్చింది :-)
పల్లెటూళ్ళలో పెరిగిన పిల్లలందరికీ వేసవిలో తాటికాయలతో తోపుడు బళ్ళు చేసుకుని ఆడుకోవడం ఆనవాయితి.
ఉ//
తిన్నని తాటిమట్టగని తెప్పున కన్నము చేసి అందు నో
సన్నని కర్రపుల్లొదవి చక్కని గుండ్రని తాటికాయలన్
ఎన్నిక చేసి వాటముగ నీదరి నాదరి గ్రుచ్చి నంత నో
మిన్నగు తోపుబండగును మేలుగ పిల్లలు ఆటలాడగా
కం//
లెక్కకు మూడవి ఉన్నను
ముక్కంటికి కన్ను ఒకటి మూసుకునుండున్
నిక్కముగా ముక్కంటది
చక్కనిదొక తాటికాయ సరసుడ వినుమా!
ఏప్రిల్లో బడి అయిపోయినతరువాత కాలవగట్టమ్మట సైకిలు తొక్కుకుంటూ ఇంటికి వెళుతుంటే అప్పుడప్పుడూ తాటిముంజలమ్మేవాడు దేవుడిలా ఎదురొచ్చేవాడు.
ఉ//
వేసవి కాలమందలసి వేడిభరించుట చాల కష్టమై
మూసిన కళ్ళతో యతని మోము తలంచుచు మ్రొక్కి వేడగా
దాసుడి రక్షకై యతడు తారసమాయెను భూమిపై వడిన్
వాసివి తాటిముంజలను పైకము కమ్మెడివాని రూపునన్
(సైకిలు త్రొక్కుతున్నప్పుడు కూడా ప్రాసకోసం కళ్ళు మూసుకోవలసి వచ్చింది :-)
పల్లెటూళ్ళలో పెరిగిన పిల్లలందరికీ వేసవిలో తాటికాయలతో తోపుడు బళ్ళు చేసుకుని ఆడుకోవడం ఆనవాయితి.
ఉ//
తిన్నని తాటిమట్టగని తెప్పున కన్నము చేసి అందు నో
సన్నని కర్రపుల్లొదవి చక్కని గుండ్రని తాటికాయలన్
ఎన్నిక చేసి వాటముగ నీదరి నాదరి గ్రుచ్చి నంత నో
మిన్నగు తోపుబండగును మేలుగ పిల్లలు ఆటలాడగా
కం//
లెక్కకు మూడవి ఉన్నను
ముక్కంటికి కన్ను ఒకటి మూసుకునుండున్
నిక్కముగా ముక్కంటది
చక్కనిదొక తాటికాయ సరసుడ వినుమా!
Thursday, October 23, 2008
ఉత్పలమాల
(వ్యాఖ్యల ననుసరించి కొద్దిగా సవరించిన పద్యం)
ఉ//
బ్లాగుని వ్రాయగా తలచి బ్లాగుట నేర్వగ పట్టుపట్టి నే
గూగులు బాగుగా వెదకి కొద్దిగ మార్గము కానరాగ వే
వేగమె బ్లాగునుందెరచి వేసితినొక్క టపాను ఇంక నా
వాగుడు పద్యరూపమున వ్రాయగ యత్నము చేసెదన్ సుమీ!
(మొదట వ్రాసినది)
ఉ//
బ్లాగుని వ్రాయగా తలచి బ్లాగుట నేర్వగ పట్టుపట్టి నే
గూగులు బాగుగా వెదకి కొద్దిగ మార్గము కానరాగ వే
వేగమె బ్లాగునుందెరచి వేసితినొక్క టపాను ఇంక నా
వాగుడు పద్యరూపమున వ్రాయగ యత్నము చేసెదన్ సుమీ!
(మొదట వ్రాసినది)
ఉ//
బ్లాగుని వ్రాయగా తలచి బ్లాగుట నేర్వగ కూరుచుండి నే
గూగులు బాగుగా వెతకి కొంచము జ్ఞానము పొందినంత వే
వేగమె బ్లాగునుందెరచి వేసితి నొక్క టపాను, ఇంకనా
వాగుడు పద్యరూపమున వ్రాయుటకున్ ప్రయత్నించెదన్, భళీ!
Monday, October 20, 2008
నేనెందుకు బ్లాగుతాను
అనుకోకుండా క్రొద్దిరోజుల క్రితం నా పాత మిత్రుడి బ్లాగుకి వెళ్ళి దాని ద్వారా మిగిలిన కొన్ని తెలుగు బ్లాగులను చూచిన తరువాత, బ్లాగ్ప్రపంచంలో నేను చాలా వెనబడి ఉన్నానని అనిపించింది. అడపాదడపా నేను వ్రాసిన పద్యాలతో నా బంధుమిత్రులు కొందరిని బాధపెడుతూ ఉంటాను. ఈ బ్లాగు పేరుతో ఇంకొంతమంది తెలియని వాళ్ళని కూడా నా అభిప్రాయాలకు/పద్యాలకు బలి చెయ్యొచ్చని తెలిసి మొదలు పెట్టాను. ప్రోగ్రామింగు నేర్చుకుంటున్నప్పుడు మొదటి ప్రోగ్రాము "hello! World!" లాగా, చాల బ్లాగులలో 'నేనెందుకు బ్లాగుతాను' అనేది మొదటి టపాగా చూచి, సరే సాంప్రదాయభంగమెందుకని అదే అంశంగా నా మొదటి టపాని ప్రచురించడానికి ఇది నా ప్రయత్నం. Green Initiative పేరుతో అందరూ recycling చెయ్యండో అని అంటున్నారు కాబట్టి, నా పాత పద్యాన్ని ఒకదాన్ని recycle చేసి ఇక్కడ ఇస్తున్నాను.
కం//
కొద్దిగ సమయము దొరికిన
ఒద్దికగా వ్రాయనేర్తు నొకటో రెండో
పెద్దవి రచనలు కుదరవు
పెద్దన చెప్పిన సుఖములు పెక్కుగ లేకన్
చదివి ఆనందిస్తారని ఆశిస్తూ..
కం//
కొద్దిగ సమయము దొరికిన
ఒద్దికగా వ్రాయనేర్తు నొకటో రెండో
పెద్దవి రచనలు కుదరవు
పెద్దన చెప్పిన సుఖములు పెక్కుగ లేకన్
చదివి ఆనందిస్తారని ఆశిస్తూ..
Subscribe to:
Posts (Atom)