కాలిఫోర్నియా బే ఏరియాలోని "వీక్షణం" సంస్థ ఆధ్వర్యంలో డిసెంబరు 12, 2020న జరిగిన 100 వ సాహితీ (అంతర్జాల) సమావేశంలో అవధాని శ్రీ పాలడుగు శ్రీచరణ్ గారి అష్టావధానంలో ఒక పృచ్ఛకునిగా పాల్గొనే అదృష్టం కలిగింది.
నేనిచ్చిన సమస్య:
"గెల్వగ నేడ్చె నొక్కడును గెల్వక నోడినవాడు నవ్వగన్"
అవధాని గారి పూరణ:
కల్వల మిత్రునిన్ దలను కమ్రముగా ధరియించు వానికిన్
చెల్వము వామమందునను నిల్వగ కాముడు భీతిజెందె హా
గెల్వగ నేడ్చె నొక్కడును గెల్వక నోడినవాడు నవ్వగన్
పల్వలమందు చందురుడు బాడబరాట్టుగ పొంగినట్లుగన్
నా పూరణ:
నిల్వడి యెన్నికందు తను నెగ్గుటయే యొకధ్యేయమవ్వగన్
పల్వురఁ జేర్చి ఆర్భటిన బాగుగ ద్రవ్యము ధారబోయుచున్
కొల్వును బొందనేమి మరి కూర్చిన సంపద పోయెనంచు తాఁ
గెల్వగ నేడ్చె నొక్కడును గెల్వక నోడినవాడు నవ్వగన్!
ఈ అవధానమును https://youtu.be/IbyyBv9WLw4 లంకెలో 5:30:15 దగ్గరనుండి చూడవచ్చు.