లింగమడ్డు వచ్చె గుడిని మ్రింగ బోవ

తే.గీ.

లింగమడ్డు వచ్చె గుడిని మ్రింగ బోవ

నీతిమాలిన యధికార్లు నిధులు దోచి

లింగమందురతని పేరు లింగరాజు

లింగరాజుండ గుడికిక బెంగ లేదు!

రావణుని బంటువయితివి రామచంద్ర!

తే.గీ.// 

షోకు కోసము సిగరెట్టు పీకలూది
ఆపుకోలేక ఇప్పుడీ యాతనేల
లోకులను చంపు సిగరెట్టనే కలియుగ
రావణుని బంటువయితివి రామచంద్ర! 

 తల్లి పెనుదయ్యమగుచుండు తనయులకును

తే.గీ.||
తనయులకు తెలియఁజేయక తండ్రి యొకడు
అప్పులను చేసి బ్రతికెను గొప్పగాను
తండ్రి అప్పు తీర్చుడనుచు తరుము ‘పైడి
తల్లి' పెనుదయ్యమగుచుండు తనయులకును

 సమస్య: ఉండెకన్యాకుమారియె ఉత్తరమున

తే.గీ||

బుద్ధగయఁ జూడ శ్రీలంక బౌద్ధుఁడొకడు

భరత దేశముఁ జేరగ  బయలుదేరి

నౌకలో పయనింపఁ యా నావికునకు

ఉండెకన్యాకుమారియె ఉత్తరమున

(10/30/2012)